【盧凱彤墮斃】密友揭死前兩星期有異樣：似有千言萬語想講

盧凱彤（Ellen）前日於跑馬地寓所墮樓亡，終年32歲，經警方調查後，列作自殺案處理。自13年確診躁鬱症後，Ellen需停工治療，至15年小勝病魔復出樂壇，也以過來人身份呼籲各界關注情緒病患者。最新一期《東周刊》提到Ellen自揭發病時的可怕經歷：「飲食失調、4日都唔瞓，個人好攰，但係hyper狀態，又有思覺失調，好想傷害自己，好想撼頭埋牆。一係喺屋企狂聽音樂、畫畫，個人好暴躁。後來先證實係躁鬱症，搞咗9個月先搵啱藥食。」

小勝一仗的Ellen對外表現積極，身形變得消瘦的她上周如常開工，然而據密友形容，Ellen近來出現了一些狀況，例如：「經常失眠，整晚都瞓唔著。跟朋友見面時，似有千言萬語想講，但又好似冇辦法講出心事。瘦削到有啲變形，搞到衣不稱身。」更嚴重是，「呢兩個星期，佢經常喺跑馬地街頭遊蕩，漫無目的咁踱步，精神好恍惚、迷惘。」