梁麗翹呻家傭「貨不對辦」 唔識做家務仲嫌B女嘈 　

節目《東張西望》主持梁麗翹（Nicole）今年5月為老公誕下囡囡Nanette，一直專心湊囡囡。不少港媽都會請家傭幫忙照顧BB，身為新手媽媽的Nicole都不例外，想B女得到全面照顧，可是她在社交平台撰長文透露聘請過家傭，因發生不愉快事件才決定一手一腳湊B女。

梁麗翹指囡囡出世前兩個月已請了「履歷滿分」的菲傭，希望對方可以快適應香港這新環境及互相磨合、融入家庭。她說：「我哋嘅唯一要求係有乜嘢唔好擺喺心，要同我哋溝通，做我哋嘅team member！當然我哋亦要身先士卒，先將佢當成我哋自己人。BB未出世，家務很少。冇奢望佢煮飯似大廚，家務快捷，只希望佢有Heart！只要有heart，我哋就相信佢會願意為我哋屋企行多一步。」

雖然梁麗翹發現菲傭「貨不對辦」，唔識煮飯、做家務、不太懂照顧BB，去到梁麗翹當日半夜穿羊水入醫院，菲傭竟完全沒幫忙，令她很失望。梁麗翹再分享：「最後，第一晚出院，BB得三日人仔，跟她同房，佢全晚唯一問過我嘅問題係BB喊，我抱咗BB出去餵奶之後問嘅：『可否閂咗道門？』」令她徹底死心。

不過看到囡囡成長，梁麗翹不介意辛苦及犧牲了自由，開心謂兩公婆努力照顧小孩，感情更勝從前。她又稱：「講咗咁耐都係想抒發下：湊BB係辛苦，但唔痛苦；見到Nanette健康開心，值回票價。如果遲啲要生下一胎，可能真係要再搵幫手，人夾人，祝我好運」。