維港會：少女腳傷搭港鐵無讓座 遭3老伯狂「單打」

讓座爭議不斷，不少年輕男女搭港鐵時都步步為營，擔心未及讓座遭人批鬥。有網民日前就在社交網站發文，大呻自己因腳部受傷，乘搭港鐵時未有讓座予3名老伯，竟遭對方全程以言語「單打」，感慨「香港幾時變到咁反智」。

該名女網民日前在facebook群組「巴打絲打 Facebook Club」上傳一張照片，由照片可見，她大腿有多處瘀傷以及大片傷口。該女網民指出，自己乘搭港鐵時，因為受傷未有讓座予3名健步如飛的老伯，「佢哋就由九龍塘『單打』到太子講咩『後生唔讓座』、『掛住撳手機』，直到最後我終於忍無可忍指住自己對腳x番個三個廢老，佢哋先仿佛恍然大悟」。

她又強調，自己當時並非坐關愛座，該3名老伯亦沒有行動不便，毋需使用拐仗，質疑「香港幾時變到咁反智」、「以後30歲以下嘅人使唔使掛個牌，寫明自己咩事先可以搵個位坐？」。

帖文隨即引起網民討論，不少人留言該名女網民，「啲老人應該等車有位先搭，横掂佢哋咁得閒」、「已經演變成咩年齡先可以係公共交通工具上有一席」、「見到你隻腳都覺得痛」、「讓俾你係人情，攞槍指住嚟逼人讓，唔係心甘情願做嘅，勉強冇幸福」。