最後棟篤笑落淚告別 子華神：香港幾好都有

黃子華棟篤笑告別作《金盆𠺘口》於紅館上演26場，昨晚進行最後一場。談到禁果話題，子華笑問有那種生果好食過禁果，有觀眾大叫榴槤。子華笑言，「第二場有個女人講過榴槤後，自此無一場平靜過，也不知你們是泰國定馬來西亞的間諜，期間有人大叫要回水，子華即謂：「食咗榴槤，仲要我回水。好似得你哋聽到講乜，我唔阻住你哋嘛？但你哋阻住我，我唔記得自己講過乜，我好易唔記得架。」

開騷期間，有女粉絲送上穿著tee的傻豹公仔畀子華，但子華笑言感覺有少少不祥，就算掛門口賊人不敢入，亦介乎生死之間。最搞笑子華講講下，身上西裝外套的鈕扣甩掉，他笑言第一次穿著，為了最後一場著畀大家睇，隨即有觀眾大叫要求除衫，子華即解釋這些叫面斥不雅，便除去煲呔，便說：「香港幾好都有，幾衰都有。」

臨近尾聲，黃子華以示答謝觀眾支持，逐一向四面台的觀眾鞠躬，更忍不住落淚，便以手巾拭淚。後來他解釋為何自己要開棟篤笑，更列出十幾個原因，當中有快將30歲、朋友患有腎病、時常失眠、下班後不想回家又時興搞笑騷等。最後唱出「幻海奇情」為騷完滿結束，子華於晚上11時正式完騷，子華離開舞台時雙手合十，臨返入後台更轉身向外觀眾鞠躬。

雖然棟篤笑正式完滿結束，紅館外超過300粉絲等待偶像黃子華。子華於11時35分離開時，不停跟在場粉絲揮手兼合十答謝粉絲，期間不少粉絲送上花、相架、信件等，不過有人送上人形公仔，子華未有接受。最感動是在場有粉絲即唱子華的歌曲《子華說》及《藍天》，更有粉絲叫黃子華開演唱會、多謝他，亦有粉絲問可否觸摸他。不過子華婉拒說：「唔好！啲人會推上來會傷到人。」問到完騷後的他，可感到疲倦？子華說：「ok！ok！」子華上車離開前，也不忘跟現場粉絲揮手，關車門時也鞠躬答謝大家。

當晚有不少黃子華粉絲入場支持，當中有鄧生和jo。支持了子華10年的鄧先生，表示睇到「幻海奇情」環節有好大感受，亦好多謝對方，雖然子華封咪，但無論在電影或其他方面也會支持。他說：「呢場尾場飛，我托人幫我買，8號已經睇了一場，但我想睇埋最後一場，原本380元，但以780元買」而女觀眾jo坦言睇完騷後，覺得有很多反思給予香港人，一直以來睇過三個黃子華的棟篤笑，亦好不捨得對方。