【沖繩度蜜月】雨僑著性感水著 羅力威影老公視角靚相

雨僑及羅力威結婚近半年，婚後一直各自忙於工作未度蜜月，所以二人決定隨心去旅行玩「度蜜年」，有想去的地方就出發，首站去了沖繩石垣島。旅行之餘，雨僑都努力經營社交平台，笑認只要有上網和相機，也要繼續工作。

影相成了旅行的一大重點，平日雨僑在網上分享靚相，直言老公是幕後功臣：「今次影得最多是IG上的『follow me系列』，老公其實最討厭幫我影呢種相，因為一隻手要拖住，一隻手又要拎住部極重嘅相機，搞到影個時會好『論盡』，有好多失敗之作。經過長年累月嘅訓練後，佢已經上晒手，同時想我幫佢影返。但男人同女大影相好唔同，我要企到勁遠先幫到佢影，又曬又熱差點中暑，才影到1、2張合佢心水，男人都唔係冇要求。」