同老公羅力威有協議 雨僑拍親熱戲要報告

剛剛成為羅太的雨僑（Ava），婚禮過後同老公羅力威各有各忙，但工作中都會偷時間見面，好像早兩日老公亦陪伴Ava到電台宣傳新歌《晴空塔》。
新歌宣傳後，雨僑隨即拍攝新網劇《性敢中環》，劇中周旋於孫耀威及蔡瀚億（Babyjohn）兩位男士之間，未知老公會否擔心親熱戲要監場？Ava笑笑回應：「我哋有同對方講，如果有親熱戲一定要報告，調番轉如果佢工作上有親熱戲，我都要知㗎！不過今次這套劇就沒有，因為最多都係攬攬同錫錫！」
Ava日前拍攝了跟一班姊妹high tea的戲，直言自拍拖後都好耐沒有同姊妹high tea，說：「自從成班姊妹拍拖之後，都沒太多時間，當然會約食飯gathering，但high tea真係要好多時間，同埋做了羅太之後，還要做家頭細務，所以有機會都想同班姊妹一齊食tea。」