【書展尾聲】會展附近樓梯遺大量宣傳單 網民狂鬧無公德心

書展今日踏入最後一天，為免有參展商即場棄書或宣傳單，大會今年加強巡查。不過有網民投訴，會展附近一條樓梯地上充斥大量書展宣傳單張，批評港人成日吹奏日本教養好會自發執垃圾，但未能做好自身。帖文引起不少網民熱議。

有網民在「連登討論區」發帖，指書展過後，會展附近一條樓梯「成地都係書展嘅單張，即係點？就咁掉喺地下就會消失咗？」，又指最後要勞煩清潔工人辛苦清理，批評「香港人就係覺得自己乜都係啱，人哋做就係生蕃冇文化，點解唔自己學識做好啲先去X人」。

他又以日本舉例，指部分港人經常讚揚日本教養好，「睇完波會自己執垃圾，香港人唔整X污糟人哋啲地方都偷笑啦」。

不少網民留言斥垃圾蟲行為自私，亦有人留言稱「香港人不嬲都自私」、「朝朝早行出街你都會發現打冷店街市大排檔留低啲垃圾成地都係，香港？不了」；亦有人留言稱「都好彩新一代有覺悟，教育好下一代啦」，不過有網民質疑「得香港人會入書展？掉飛嘅一定係香港人？」