鄭嘉穎夠鐘成家立室 胡杏兒爆料：佢講過想生女

胡杏兒和康子妮出席兒童教學中心開幕禮，胡杏兒謂9個半月大的兒子Brendan喜歡四圍摸很好奇，當她讀書時兒子會專注聽，聽她唱情歌《千言萬語》及《我願意》時更表現感動眼濕濕，笑謂可能是旋律令人感動，老公李乘德也很喜歡這兩首歌。

胡杏兒又笑指兒子現時體重24磅屬於大碼BB，而且開始喜歡爬行，食得瞓得又玩得。她說：「抱住佢都會好攰，不過我同老公爭住抱，老公仲話我唔好縱佢，但我覺得依家唔抱大個無得抱。」談到追生B，她自言努力中，仔或女也無所謂，最重要身體健康。

提到有傳鄭嘉穎想趕生B下月跟女友陳凱琳結婚，胡杏兒說：「如果真的話恭喜佢，應該係時候結婚啦！佢女友又靚又好，支持佢哋快啲生。嘉穎講過想生個女，之前同佢合作拍戲，佢話鍾意女兒。」