巴士站停車阻靠站 大埔私家車司機下車衝馬路捱批

繁忙時間不少巴士站都擠滿乘客，等候上落車，但不時會有其他車輛佔用巴士站。大埔一輛私家車今早繁忙時間於巴士站停車，司機下車跨越行車線往對面行人路「攞嘢」，被批評自私。

網民Rayco Yau今早在Facebook群組「大埔」上載圖片，見到一輛私家車停在大埔文娛中心外的巴士站，「呢架車係想點？巴士埋站前一秒突然停低，仲要司機都落埋車，行過對面線渣打攞嘢，全巴士幾十人等你兩個，好意思咩。」

圖片隨即引起網民討論，不少人認為私家車司機佔用巴士線及停車屬自私行為，「轉入8號花園都懶」、「呢個位咪成日見有意外！估唔到會有咁自私的人」、「真係要投訴呢類自私鬼」。