出書似等BB出世 劉佩玥喜獲親友買書支持

劉佩玥（Moon）宣傳首本著作《我的微笑之道》，她為實現兒時夢想，自資6位數（以十萬計）圓出書夢。新書成品今日送到，談到「BB」終於出世，她笑說：「我終於都明白，點解有人講做張專輯、出本書，係好似等BB出世咁。我返公司睇成品嘅時候，行嗰條長走廊，就真係好似睇個BB咁。」

問到新書是否得到很多好友支持？Moon謂：「係啊！其實我送本書畀屋企人、朋友係好容易，都係簽名送畀佢哋。但係好多都話唔好送，佢哋自己買，真係好感激佢哋支持。」她透露已計劃來年再出新書，暫定是扮靚天書。