維港會：搭A車無2元優惠要求車長退錢被拒 網民轟長者恃老賣老

長者兩元乘車優惠實施多年，但乘客對計劃所涵蓋公共交通工具似乎仍未清楚。有長者乘搭A22時，發現拍卡被扣除半價車資19.5元後，即向車長表示「我搭兩元車架」。惟車長解釋「A車」未有提供兩元優惠，長者則要求下車並退款，車長回覆指他不能擅自退款，着對方向城巴申請，詎料長者直斥「你去死啦！」車長事後在網上發帖，引起熱議。有網民批評該長者恃老賣老；亦有人認為應體諒長者，「未必知道機場巴士無長者優惠」。
有網民在facebook專頁「西客之道hispitality」分享帖文，指自己有一次駕駛A22巴士時，遇着一名長者在觀塘上車，對方一拍長者八達通時，發現扣除半價車資19.5元後，即質疑車長扣錯錢，並表示「我搭車兩蚊架」。車長則解釋「呢架機場車嚟嫁，邊鬼到有兩蚊呀？」指長者「唔清楚就自己睇」。長者稱是想去九龍灣，但車長再表明「我話知你想去邊，總之你上咗我部車就要比錢啦！」
長者唯有打算在下一站下車，但要求車長退款，「我而家唔搭啦，比返錢我」。車長則回覆「你搭咗半個站都係搭啦，憑咩要我比返你先」，長者重申「我搭車兩蚊咋，你一定要比返我」。車長表示「冇呢個講法，退錢自己打上城巴，退定唔退係佢哋話事唔係我話事」。長者堅持要退回車資，車長反問「我點拎比你呀，你當我呢到係咩呀？銀行定收銀機呀？」長者聽罷即罵對方「你去死啦！」
兩人爭吵一輪後，長者最後在九龍灣站下車。帖文在fb廣傳，不少網民都指責長者恃老賣老，「點睇個老都係衰...阻住地球轉」、「其實鬧得好，好多老人家專揀返工放工時候來坐」、「兩個站都上長途巴，濫用優惠」。不過，亦有網民認為「係個司機處理得差，老人係有唔啱，十幾元對老人家可能幾重要下，有啲發矛，但唔同講法可以令人地無講可說乖乖下車」、「其實老人家可能真的唔明，但八達通話退錢就真的冇可能」。
長者兩元乘車優惠包括港鐵、專營巴士、渡輪及524條專線小巴路線服務，但不包括港鐵機場快線、往返羅湖、落馬洲及馬場站的東鐵線服務、東鐵線頭等服務；巴士亦不包括機場巴士「A」線及「NA」線、馬場路線及以預約及團體租用形式提供的特別服務；渡輪服務不包括豪華位。