【世盃狂熱】阿姐撐克羅地亞 家英哥唱反調買法國贏

2018年世界盃決賽今晚就開戰，譚詠麟（阿倫）、羅家英、汪明荃（阿姐）、孫耀威、陳美詩等多位香港明星足球隊成員遠赴俄羅斯觀戰，距離開波尚有一段時間，他們都走到廣場感受熱鬧氣氛。
比利時對英格蘭的季軍戰，家英哥叻叻買中波膽，阿倫等人大唱「Only You」讚家英哥獨具慧眼，家英哥即賣口乖，說：「呢啲要聽老婆話…」，都未講完，阿姐就自己踢爆自己：「我叫你買2:1，你就買2:0，累我輸咗200蚊。」家英哥再為阿姐兜，說：「佢唔想英國輸得咁慘，畀咗1分同情分，我就鐡石心腸。」不過講到今晚買邊隊？阿姐話：「今晚我買紅白，克羅地亞。」家英哥再一次不聽老婆話，說：「我要同你反對，我要買法國。」
至於第一次來莫斯科的孫耀威夫婦，大讚廣場乾淨漂亮好有氣氛，決賽戰二人都支持法國。