婆婆大雨湊孫返學雨傘被取喊晒口 大埔街坊緝可疑男籲「見字還遮」

暴雨期間被偷雨傘可說是雙重打擊！大埔今早下大雨，有婆婆湊孫返幼稚園後，發現放在校門雨傘架內的卡通雨傘被取去，眼紅紅地說「小朋友好鍾意，有無搞錯呀！」有目擊事件的家長在facebook發帖稱，見到一名男子取走婆婆的雨傘後打開使用，但以為對方是用孩子的雨傘，故不以為意，現希望該男子將雨傘交回幼稚園，「做個負責任，有公德嘅男人（爸爸），唔好咁無陰公」。
該家長在facebook群組「Tai Po 大埔」發帖指，「大男人不問自取，湊孫阿婆無咗把遮好慘」。她指，今早9時許，帶小朋友返幼稚園後，突然有雷雨，於是留在學校暫時避雨。後來一名站在門口、身穿恤衫的男子在雨傘架內取走一把黃色卡通人物長傘打開，然後離去。她說，由於長傘十分顯眼，所以當時特別留意。
其後，一名婆婆步出幼稚園，發現兩傘不見了，於是「喊晒口」說：「把遮係小朋友好鍾意，專登儲印花換嘅，今日仲要第一次用，有無搞錯呀！依家咁樣落雨，點算，點返去呀！咁嘅人都有，濕嘅有人用緊架嘛！」該家長原打算借出雨傘予婆婆，但有學校職員得知事件後，亦立即借出自己的雨傘，着婆婆稍後再歸還。
家長希望該男子盡快歸還雨傘，「嗰位先生，婆婆個樣好悽涼，急用都用左啦，鍾意可以買返把，做個負責任，有公德嘅男人（爸爸），唔好咁無陰公」。帖文隨即掀起熱議，網民幾乎一面倒怒轟該男子，「無公德心，攞人哋把傘，有沒有諗下大雨傘主無得用架！仲要係一位家長，其身不正」、「先生，將心比己好不好？見字就還遮啦」；另有網民呼籲大埔街坊留意，「如果頭先你見到可疑人物，請報料！真心嬲」、「學校門口實有閉路電視，希望揾到兇手」。有好心人亦表示有同款雨傘，願意送出予婆婆，獲讚好人好事。