【片段】執iPhone嫌$500薄酬少 的哥坐地起價：起碼$1000啦大佬

不少人搭車都會大意遺下電話，若遇上好心人或有機會尋回，更有人會出薄酬希望找回電話。有女乘客乘的士大意遺下iPhone 6，發現後立刻傳短訊回自己手機，寫道「如拾獲有薄酬。」及後的哥聯絡事主相約見面。事主與的哥見面時表示給予500元薄酬，但的哥隨即指「起碼$1000啦大佬。」又謂自己要做生意，不怕事主報警。

片段上載於Facebook群組「小心駕駛」，見到該名女乘客與司機見面，的哥表示：「本身唔係我執嘅，係第四個客度先俾返我，你真係好彩呀。」女乘客即向司機遞上500元，「500蚊報酬我真係出心喇。」的哥隨即指：「起碼1000啦大佬。」女乘客不滿，指已經報警，但的哥表示不怕，「我怕咩你要報警，我要做生意架嘛大佬。」

疑似女乘客的朋友在旁邊問的哥，「咁而家500蚊你收唔收呀？」的哥隨即打發眾人離開「走喇走喇，走喇唔好阻住」。

網民看過片段後都認為的哥貪心，「500都嫌少，貪得無厭！」、「路不拾遺是常識吧! 小朋友都識啦，點解人大咗就不會做呢?」、「而家嘅香港人無報酬就乜都唔會做？其實真係幾悲哀」。

片段來源：Harry Leung‎