大小姐送水輝終於認愛 爆喊錫額頭感動網民

處境劇《愛．回家之開心速遞》中，「大小姐」林淑敏與「送水輝」許家傑的感情線夠晒突出，兩個角色身份懸殊，互動有笑有淚，受網民熱捧下，成功令兩位人氣上升。

昨晚播出的《愛．回家》上演《初戀無限Feel之最終回》，令觀眾嗌感動。話說大小姐與化身「輝Dee」的送水輝扮經典電影《天若有情》，又坐電單車又著晒禮服去教堂，反對戀情的KC插手安排新男朋友Mike出場，令送水輝誤以為大小姐心中沒有他。最後大小姐流住眼淚說出「愛的宣言」：「你係我嘅The One，喺我心入面冇人可以取代你。」加埋送水輝甜蜜錫錫大小姐額頭，齊齊認愛一幕，網民激讚感動到眼濕濕：「真係好好戲，喊得靚又有感染力」、「終於起埋一齊，確實好用心演」。