【萬千星輝頒獎禮】大小姐失最佳女配角 巴打絲打斥漠視民意籲罷睇
2018-01-22 10:00 
「大小姐」林淑敏（Ｍandy）憑着《愛．回家之開心速遞》成功入屋，更令她首次獲提名「最佳女配角」，不過熱門Ｍandy卻輸給爆大冷的朱晨麗，令網民相當憤怒，遂在網上以「大小姐」的對白改圖以表不滿，「個獎唔係頒俾我，信唔信我炒晒你哋呀！」
Ｍandy因扮演「大小姐」龍力蓮而人氣急升，其惡女形象、與送水輝的愛情線都深得觀眾，網民的喜愛，大讚Mandy的演技令人印象深刻，「夠癲、夠霸氣」，成為今次「最佳女配角」的大熱門，多個論壇都有帖文支持她。
因此結果一出，隨時令網民感到憤怒，其中高登及連登更出現聲討帖文，揚言除了支持「大小姐」外，其他一律要「罷睇」，認為即使Mandy無得獎，亦不應該是由朱晨麗跑出，而無綫的fb更勁吸數百個嬲嬲，「我支持龍力蓮做最佳女配角，還我龍力蓮」的留言更得到二百個like。
有巴打批評朱晨麗的演技未夠班，「TVB寧願拎個獎捧後生女花旦，都唔頒俾個最出采（彩）、最有人氣既甘草，都唔知大小姐下次仲有冇得提名」，「tvb成日漠視民意，亂咁捧人。」
相關新聞：
●大小姐失最佳女配角 巴打絲打斥漠視民意籲罷睇（按這裏）
●送水輝向大小姐送花 「我心中你已經是最佳女主角」（按這裏）
●唐詩詠首奪視后 網民反問：佢憑咩？（按這裏）
●《四葉草》第一代頒獎 15年前黎諾懿姚子羚唐詩詠係咩樣？（按這裏）
關鍵字
最新回應