Deep V姚子羚瞇晒眼歎瀑布靚景 孖豹嫂李施嬅洗滌心靈

姚子羚日前預告會同「胡說八道會」成員豹嫂胡蓓蔚、李施嬅（Selena）到菲律賓旅行，更事先張揚豹嫂送咗一件性感Deep V泳衣畀佢。豹嫂昨晚亦相當識做，在Instagram分享了佢哋去瀑布嘅泳照，向網民大派福利。
豹嫂胡蓓蔚上載了3人在瀑布下拍攝嘅火辣泳照，身穿比堅尼的Selena同豹嫂都舉起手，擺出一副十分享受嘅靚pose！至於姚子羚的Deep V泳衣就盡show身材，配埋瞇晒眼的Enjoy表情，真係「殺死人」呀！難怪豹嫂都留言：「今次仲唔係徹底洗滌心靈」？