第3胎就快生得 陳倩揚拍性感大肚寫真

正懷有第3胎的陳倩揚，已進入懷孕的最後階段， 小女兒今個月就要出世，之前一直熱忱工作的倩揚， 也得暫時休息， 收拾好心情， 準備迎接家中的新成員。醫生表示其孕期已過37周，加上胎兒已足磅，隨時生得，第3胎產程亦好大機會較快，所以叮囑倩揚要隨時做好準備，一有動靜要立即趕到醫院。
倩揚雖已是兩子之母， 來到第3胎一點都沒有鬆懈，為妹妹的加入積極做好準備，趁產前休息這段時間落手落腳洗衫仔被仔等。她說：「今次除咗有上兩胎嘅經驗再加上一直有做健康節目主持，經常接觸唔同界別嘅醫護專業人士，增廣咗好多知識，為迎接小生命有更佳嘅準備，亦可以同粉絲互相分享心得。另外，因為今次嘅肚形比較大，早兩個月朋友見到我真的以為我隨時生得！但其實只係肚形比較大，妹妹嘅size都算標準，同兩個哥哥差唔多。加上好多朋友讚我狀態好好，手腳都無腫，所以仲有信心出吓活動，保持工作狀態。我趁這個珍貴時刻，影了一輯寫真留念。」

今次孕婦寫真由女攝影師操刀，上一次懷孕都是這攝影師替倩揚拍攝，所以雙方已好有默契。加上對方是女性，令倩揚倍感安心。今次拍攝碰巧係兩個哥哥上學時間，故可以在家中嘗試上兩胎未有試過的性感造型，倩揚對拍出來充滿母愛的性感非常滿意。身邊朋友更笑倩揚懷孕時特別性感，3次懷孕的照片，應該可以出一本寫真集，而且一定大賣。
倩揚現在正準備安胎，有感巨肚即將消失，有一點失落和不捨，最掛念的一定會是母女倆為一體及胎動的感覺。但同時亦希望產後可迅速收身，再次投入工作。相信有美容中心的贊助一定可以盡快重回作戰模式， 迎接下半年的工作。