尖東站男女疑尾隨乘客衝閘逃票 網民斥投訴都無用

慳得就慳？港鐵尖東站一對懷疑内地男女遊客近日被網民拍攝到懷疑未買拍卡或入車票就衝入閘，網民稱已向車站職員投訴，但該對男女已經逃去無蹤。

有網民在facebook群組「小心駕駛（討論別人駕駛態度）」上載片段，目擊網民稱涉嫌逃票的男女在從尖沙嘴站，尾隨住其他乘客出閘。片段所見，該對男女先在尖東站大堂徘徊擾攘，當其他乘客拍卡入閘，隨即緊貼其他乘客「衝閘」。

網民稱，當時已立刻向港鐵職員投訴，但2名男女已失去蹤影。網民估計，男女打扮裝束似是内地遊客，手上持有購物膠袋，背囊向前背，疑是內地旅客。

有網民留言：「佢哋思維係，我逃到票係我本事，有甚麼問題?」、「大陸坐地鐵見好多」。有網民無奈指，「我係尖沙嘴返工果陣，日日都見幾十人咁樣入，話比職員知都無用」、「我係紅磡站A出口見過有人跨欄出啦，完全搵唔到職員幫手」。有人更目擊有苦主無法出閘：「我都見過係佐敦站…個啊伯行得慢…嘟完比個賤人衝出…個啊伯反而出唔到…要搵港鐵職員幫手，我想追都追唔切…個賤人跑得快」。

港鐵向往不時在車站派員查票，如發現乘客無有效車票，港鐵可向乘客徵收違例附加費，甚至提出控告。