秦沛預祝74歲生日 劉嘉玲謝君豪吻賀

秦沛（Paul哥）最近正為舞台劇《奪命証人》與劉嘉玲、謝君豪等忙於綵排，下周74歲生日的Paul哥，日前獲提早慶生，嘉玲、君豪即場吻賀Paul哥！
Paul哥表示生日也要開工排劇，無假放，所以幾乎忘記快將生日，正日或請一班演員食飯慶祝，坦言今年生日願望是首次演出舞台劇成功。Paul哥說：「依家日日排練，我都係開始學習中，多得佢兩個前輩帶住我啦，劉嘉玲成日帶好多嘢畀大家食，但佢自己又唔食！」嘉玲則謂：「我要keep住個狀態嘛！我冇唔食，不過我要控制住，唔係食得多就有力量，都要食得健康！」嘉玲坦言開始排練之後好辛苦，壓力很大回家常難以入睡，因一直未揣摸到角色應如何表現，導演叫她不用擔心，會慢慢揣摸到，但她仍很緊張。

君豪爆Paul哥早已偷偷把台詞全部背誦，專業得令他起敬。他透露今次舞台劇好玩，率先爆最後結局或由觀眾投票影響，因有互動還節每晚抽出8、9位觀眾即場做「陪審團」，無論任何票價都有機會，入場前被抽中就可帶朋友一齊「升呢」坐第一行陪審席。昨日網上曝光該劇宣傳片，約一分鐘鏡頭與讀白已劇力萬鈞，扣人心弦。