張敬軒邀做個唱嘉賓 胡定欣被嘲高低眉

張敬軒昨晚第二場「降兩度」演唱會吸引到周慧敏、葉德嫻、黎小田、湯寶如、胡蓓蔚、李施嬅 、泳兒、鍾舒漫、衛詩雅等來捧場。軒仔化身成「降兩度」，介紹嘉賓出場，笑說：「今晚呢位嘉賓來頭不少，我投身音樂界之前，係投身電視界。本身接到個好劇集，點知開波前兩日，先知被人搶咗個角色。我今晚就要公審佢，有請我哋視后胡定欣 ！」
原來軒仔跟定欣已經相識10多年，私下相當老友。定欣出場時，軒仔笑說：「我覺得你今日好靚！平日電視睇你著咁多布，今晚做咩著咁少？見你著古裝，差啲認你唔到呀，高低眉！」定欣亦不甘示弱，笑說：「我平日夠係見你著西裝，今晚見你著番女裝，我都差啲想嘔啊！」
定欣透露軒仔每次開騷都有捧場，更想不到幻想成真，可跟軒仔同台，擔任對方嘉賓。定欣自爆收到軒仔邀請時，開心到失眠。她笑說：「成晚都唔瞓，等天光可以即刻打電話畀監制，為做嘉賓請假！」隨後，定欣就「太子妃」上身，笑對軒仔說：「睇路呀，妹妹！深宮條路唔係你想像中咁易行，最緊要係無悔無愧！」繼而獻獻唱《無悔無愧》。

定欣今日在社交平台貼文，留言：「對於我黎（嚟）講，尋（噚）晚係好難忘的一晚，呢次的演出不只是工作，背後存著很多意思，好開心好多錫我的人在場支持我，最重要的係，張敬軒...多謝您!~～多謝您對我的信任，多謝您俾（畀）我呢個第一次，呢段時間除左（咗）忙住排舞台劇，亦都好緊張呢次演出，尋（噚）晚唱完，終於有胃口食野（嘢）啦，哈哈！你繼續GOODSHOW啦！Support U as always!~~~」。