薛家燕娶新抱金器晒冷 巨型龍鳳鈪金豬牌份量十足

薛家燕興奮娶新抱，今早見證兒子石耀庭接新娘Zoe，開心到見牙唔見眼。榮升奶奶的她錫新抱錫到燶，早前到珠寶金行包場掃金器，今日金器大晒冷，包括兩對合共40萬的龍鳳鈪、巨型金豬牌、金鍊等，份量十足。
隆重登場的家燕姐亦扮得靚靚，戴上玉器及金首飾，捧著金豬牌與一對新人合照，希望傳宗接代，看來非常恨抱孫。
為阿仔親自辦婚事的家燕姐，送樓送首飾、包辦兩場盛大婚宴等，夾夾埋埋豪擲4千萬娶新抱。