額前大痣變《復仇者》寶石 薛家燕：高人話呢粒係明燈

超級英雄電影《復仇者聯盟3：無限之戰》成為最近熱門話題，網上大量文章談論劇情，香港有網民更將反派魁隆搶奪幻視額前「心靈寶石」一幕，惡搞成搶奪薛家燕額前的大痣，更指家燕姐擁有第7粒寶石。
家燕昨晚為無綫節目《流行經典50年》進行錄影，就此惡搞事件笑說：「我有睇到啊！前晚同仔女食飯，尤其大女突然笑到『卡卡聲』。我問咩事？之後Send畀我睇，原來第7粒寶石就係我粒大痣，見到都覺得好笑！」隨後，家燕姐感激網民提醒她有一顆寶石。她說：「粒寶石好細個已經有，當時好細粒，我媽咪諗住同我脫咗佢。但後來搵咗個高人，高人話呢粒係一盞明燈，叫我唔好脫，會照住條路畀我行。」家燕姐續說：「粒痣好得意，中間有條毛仔生出來，後來媽媽話如果生得長，都唔知應該撥上定是撥落。最後媽媽諗咗個方法，如果真係太長，就將條毛仔圍住粒痣打圈。」笑問到片商邀請她拍第4集可會考慮？她笑說：「我都會考慮嘅，但身價就唔同咗喇，又可能淨係影我粒痣！」
擔任嘉賓的溫碧霞透露，最近忙於籌備《海潮》演唱會，屆時會獻唱多首80、90的經典歌唱。場內有大量鮮花，亦有海的感覺，觀眾會被浪漫氣氛所包圍。溫碧霞提到兒子說必定會邀請同學們到演唱會，兒子又不時對她做很多窩心事，氹得她非常開心。（攝影：羅安強）