黃心穎送靚電視給爸爸：睇我跟馬明談情戲

楊明和黃心穎出席TVB周刊活動，分享家庭趣事。心穎表示兒時爸爸一人養活一家，所以獨自留港工作，但每年也會到溫哥華探望她們，直至長大她才有更時間了解爸爸；今個父親節，心穎謂會跟爸爸吃飯慶祝，不過可能要開工就要等補祝。她說：「我諗住送部電視畀爸爸，因為佢部電視壞了，之前《宮心計2深宮計》播映第一集，佢出街搵地方睇，但其實呢集無我出場，我都買部靚啲電視畀佢。」心穎笑言未知爸爸可有睇到她跟馬國明的談情戲，因為可能感尷尬，但爸爸讚她演得生鬼。問到馬國明可會跟她一起慶祝父親節？她說：「如果夾到時間先，佢都要同自己爸爸慶祝啦！」提到劇集點擊衝破10億，胡定欣晒兒時裸照祝賀。她說：「如果有30億點擊，我晒正面的泳衣照，好有誠意同突破㗎！（上載跟馬國明的密照？）劇照就好多。」

楊明謂兒時好窮沒玩具，但會出街「放電」發洩體力，不過媽媽阻止出街就會偷出去玩，連叫他吃飯亦會倒掉，是一名百厭仔，當年更試過打交要見家長。談到女友莊思明投訴他收到《危城First Lady》的相後，只冷淡講「咁慘？死咗？」，楊明解釋通常扮死屍戲份好沉重，若講太多怕影響對方心情演繹，所以他講得少是情有可原。（攝影：鄺芷瑩）