周國賢老婆鬆身衫加凸肚 合照惹大肚疑雲

周國賢（Endy）經已係三名女兒嘅爸爸，一向甚少係社交媒體上放家人相嘅佢，今日竟然放上張同老婆嘅合照，相中最令人疑惑嘅係背景係藍藍大海，Endy同老婆面對面拖住手坐，兩個人嘅剪影出晒嚟，而老婆件鬆身衫底下，見到有少少凸肚，引來唔少粉絲都問係咪有咗！有人直接留言「嘩！好少見你放閃喎！sweet 到呢～」、「那肚是？」、「但岩岩以為大肚」。
Endy係IG留言話「你快樂 所以我快樂 #我不敢想太多 #我只想繼續做我讓你開心得更多」留言可謂可圈可點！不過係咪有喜都好，「周太」真係陪咗Endy走過唔少低谷，曾於13年因為壓力爆煲，Endy停工去加拿大抗抑鬱。2016年Endy完成專輯《風起》、會展演唱會及電影《九龍不敗》工作，疑似舊病復發，急返加國唞唞，兩公婆真係經歷好多。