出招溝台妹 杜汶澤吃不消：湊後生女好攰

杜汶澤26年前曾出走到台灣避債，ViuTV以阿澤所見所聞作藍本，拍攝真人騷旅遊節目《走佬去臺灣》。踏入節目播映的最後一周，阿澤繼續「出擊」，參與台灣的婚禮夜宴比較兩地人情、酒席，又跟隨魔鬼身材教練健身，更為當地網絡紅人拍寫真。

阿澤首次學習沖曬菲林時大放笑彈，表示：「ViuTV開台以來都未請過一個咁有品質嘅藝人做節目，永無dead air，邊似得商台嘅主持咁不停dead air」。為了解台灣教育，阿澤到了大學校園溝女，以甜言蜜語攻陷台妹的心，阿澤結識「台版徐濠縈」時，表示自己吃素是因為「你是我的菜」，向另一位正妹介紹自己時稱「我是你的人」，成功邀得三位正妹放學後一起去唱K。可惜阿澤與三位台妹有代溝，他自言：「湊後生女好累」，到K房還未叫飲品已經感眼瞓。

於節目尾聲，阿澤感慨表示：「我真係咁諗，本來拍埋《空手道》就想放棄香港工作，好厭倦娛樂圈，我唔想再做，諗住去讀烹飪，諗住喺度開間餐館，自己煮西餐，一晚招呼十個八個人，其實同退休無分別，不過只係想做一樣自己想做嘅嘢。嗰陣後生就被迫，但依家幾廿歲，仲係咪想郁嚟郁去呢？我好懷疑，所以我都仲未決定到。」