記者訪問態度串嘴 阿澤發火掟咪走人

藝人杜汶澤一向是性情中人，有嗰句講嗰句。近日他在社交網留言，指自己最近接受訪問時，記者的態度好有問題，所以他忍無可忍除咪走人，更直言這次是他入行25年以來第一次咁做！

阿澤因為睇好數碼化時代的大趨勢，所以近日積極籌備網台，更會開咪主持節目，大膽談性。阿澤在昔日亞視好友搭路下，接受一名網台記者訪問。不過訪問過程中，阿澤覺得記者的態度十分串嘴，他忍無可忍，訪問做了不足20分鐘即主動中斷訪問，除咪走人。

事後阿澤在社交網留言話：「我肯比你訪問，你又句句窒頭窒勢，語氣又差，依家叫你錄動新聞咩？新嚟咖你第一日識我呀？過程中我已經盡量忍讓。點知佢仲唔識死.......」又話：「我嚟見工呀依家？你咁嘴gel gel做乜啫？有乜好處吖？」阿澤最後更話：「你鍾意點剪就點剪啦！我條命硬過鐵，你剪我唔死咖！」可見阿澤今次真係動真火！