山友無視風球登石澗嬉水 網民鬧爆：出事唔好要消防救

受到熱帶氣旋「艾雲尼」影響，本港各區橫風橫雨，本港天文台昨日一度發出黃色暴雨警告信號及一號戒備信號，不過有山友無視風雨，前往石澗遊玩，期間更作出不少危險動作。有關行為惹來不少網民留言炮轟，斥責他們行為自私，萬一出事又要連累消防員救人。

Facebook專頁「山野龍咁威」上傳兩批行山客在石潤玩水的照片，指該他們分別在昨日及今日，前往城門水塘的大城石澗及大嶼山的臥龍石澗遊玩。其中一人更曾於上月底在北果洲附近划艇期間翻艇，於大海中漂流約兩小時後，被水警發現救起。

根據照片可見，當時水流頗急，形成多個小瀑布，多名男女無懼急流穿梭之中，擺出各種甫士。

照片其後引起網民熱論，有網民批評他們行為自私，「出事唔好喊」、「自己出事唔緊要，最緊要唔好累消防人員去救，自己嘅事自己負責！唔好累人」、「害己累人!呢啲完全係無常識嘅行為」、「無事鬥險鬥勁，有事喊苦連天」、「死亡直播係幾好睇嘅，尤其出事一刻，既壯觀，又重口味，只係害慘那些拯救人員，一個唔好彩害到人哋殉職，咁就害人地家庭少了個人啦！」。