學童患手足口病 母求醫生准返學考試

患病在家休息是基本常識，網上流傳一名學童確診患上手足口病，但其母親為了讓小朋友繼續考試，向小朋友表示：「我哋努力咗咁耐，溫咗咁耐書唔可以就咁輸㗎。」她最後求醫生批准上學遭拒，事件隨即引起網民討論。

Facebook專頁「診所低能奇觀」周一上載一篇診所護士與家長的對話，指一名家長帶同小朋友診，並查詢可否索取醫生矓證明小朋友無病，可以照常上學，因學校指小朋友發燒，要上學就需要醫生證明。護士表明若小朋友確定無病就可以取證明，「如果有燒或者係啲傳染到人嘅病就唔好返學啦，留喺屋企抖吓啦。」

該名家長隨即指小朋友下周考試，其教小朋友向醫生講大話「你一陣入到去見醫生，記得同醫生講冇事唔痛，可以返學知唔知呀？」她續指：「我哋努力咗咁耐，溫咗咁耐書唔可以就咁輸㗎。」她問小朋友有否不舒服，該小朋友指住自己的口。家長隨即指「嗱，同媽媽講好啦，入到房你係咩事都冇㗎，我哋寫咗張紙就可以繼續返學㗎啦。」

小朋友最終確診手足口病，媽媽求醫生寫紙證明小朋友無病，可以上學，到取藥時更罵小朋友「你點解好病唔病而家呢個時候先病呀？你知唔知你咁病一病咩都俾你搞禍晒呀？」她更指：「「真係有冇搞錯，病咋嘛，病唔駛讀書唔駛考試呀？都唔知點做醫生，病又點呀？病可以全世界停低啦？」其後與小朋友離開。

網民都批評母親無視小朋友患病，只顧上學考試，「呢啲家長咁無常識同自私自利」、「考試重要過條命？同埋佢他同學仔嘅健康？」、「名副其實怪獸家長，讀書唔係為咗應付考試，亦都唔需要一定名列前茅」。