新片入圍紐約亞洲電影節 吳鎮宇黃德斌扒龍舟騷佬味

吳鎮宇、潘燦良、黃德斌、胡子彤、 胡定欣及余香凝等演出的龍舟電影《逆流大叔》，將於8月上映，電影「扒入」紐約，入圍《紐約亞洲電影節》競賽單元，成為唯一「焦點放映」電影，導演陳詠燊及余香凝下月會到當地出席電影的世界首映禮。

樂隊RubberBand為電影配樂及創作主題曲《逆流之歌》及插曲《大叔情歌》，陳詠燊更親自執導《逆流之歌》的MV。日前RubberBand到電影的主要拍攝場地沙田石門龍舟訓練中心拍MV，當日天朗氣清，不過需要在浮台上取景，眾人也做足安全措施。

RubberBand表示合作是機緣巧合：「我哋有日喺錄音室做嘢，等𨋢期間就遇到《逆流大叔》嘅混音師同導演Sunny，佢突然問我哋有冇興趣做呢部電影嘅混音，知道咗個故事後就一口答應喇。導演都畀咗好大自由度我哋去試，做得好開心。」

談到對於龍舟的認識，主音繆浩昌（6號）自爆讀書時期的瘀爆經歷：「我喺讀書時期係賽艇運動員，有1年端午節我哋都有去玩扒龍舟，唔知係咪我哋成班人疏於練習又唔齊又冇節奏，名符其實扒到反艇。」