帶仔女游水消暑 曹格與囝囝越來越似樣

近來天氣咁熱，最好的消暑方法莫過於去游水了。歌手曹格最近就帶了一對仔女去泳池游水降溫，更在社交網大晒當日的靚相。可能爸爸是天王巨星的關係，所以曹格一對仔女雖然年紀小小，但已星味十足，影相時都識自動擺甫士。曹格囡囡Grace就攬著吹氣波波大晒甜美笑容，而他囝囝曹三豐(Joe)就在頭頂淋水降溫，姿勢就好似拍緊廣告咁，非常有型！這輯相片中曹格都有出鏡，不過明顯就唔及自己一對仔女搶眼了。網友留言話Joe越來越似曹格，更有網友話分唔清邊個打邊個添！亦有網友大讚曹格影相好有天分，話這輯相影得好靚！