影婚紗相搵銀江若琳笑Oscar唔啱做Model

2018-06-04 16:22

江若琳（Elanne）第3度為婚紗店代言，有未婚夫蕭潤邦（Oscar）做拍檔，令Elanne感到特別興奮。她說：「入行咁多年，拍戲、廣告，其實我大大話話著過10幾次婚紗，以前係無乜感覺，只覺得係戲服1件，今次拍擋係未來老公，終於覺得著住件婚紗都幾感動，同埋會好期待睇相。」

問到Elanne對今次拍檔的表現有何評價？Elanne則勸Oscar繼續努力做生意，「Oscar可能好多年無做幕前，縱然佢有model嘅身高，但係佢一對住鏡頭就好怕醜、唔係幾自然，所以今次揀相嘅過程唔係好困難，只要揀Oscar表情自然、無眨眼嘅就得，佢都係繼續努力建立佢嘅生煎包王國啦。」

今次拍攝地喺香港，問到Elanne同Oscar之後會唔會去外國再影婚紗相？二人話一定會：「我哋係好鍾意去旅行，所以今年每去一個地方都會影啲相，有啲好生活、有啲好正式，想有多啲唔同嘅相留念。」