江若琳麵館開幕感觸落淚 Oscar錫錫安慰晒恩愛

江若琳獲未婚夫蕭潤邦（Oscar）打本開麵館，今日正式開幕，一大班好友到場支持，包括王灝兒（JW）及其男友葉韋彤、吳日言、HotCha、李家鼎等。江若琳自爆當招牌揭開時差點感觸落淚，Oscar隨即輕吻安慰，甜蜜到爆。

麵館的一磚一瓦都由江若琳親自選購，店內兩幅字畫是她80多歲的爺爺親手寫的，更由她的父親專程到廈門拿字畫回港。她說：「爺爺身體唔好，手又震眼又矇，都唔知再寫到幾多幅。」江若琳又稱很喜歡喝珍珠奶茶，學會製作店內所有飲品，有時間會親手沖給客人喝。Oscar即搞Gag說：「客人都好滿意佢表現！但係客人就算點走甜，杯飲品都係會甜嘅，因為係佢親手沖嘅。」他又透露正經營9間餐廳，計劃年底再開1間麵館，應該會跟「生煎王」合併開店，就像一家人一樣。

此外，當JW接受訪問時，男友便悄悄地離開，JW即開口護男友：「又唔係佢做訪問！」談到舊老闆黎明女友陳泳儀（Wing）已誕下女兒，JW透露剛旅行回港就得知此事，「無特別Message佢，隔一排先，佢都有講需要空間。」