【點拆招?】外傭做財務擔保人 留僱主住址引發網民熱議

香港僱主和外傭不時產生磨擦，大多都與工作有關。最近一名僱主指，近日收到追債電話，揭發其印傭收取2500元報酬，為朋友做擔保人，涉及逾二萬港元，期間僱主不斷收到財務公司追數電話及信件，現計劃將印傭解僱，但需繳付一個月通知金，嘆「躺著也中槍」。

該名僱主於Facebook專頁「巴打絲打」上載圖文，指其印僱聲稱朋友向財務公司借逾二萬港元，印傭收取2500元報酬為朋友做擔保人，更留下其住址予財務公司，「之後財仔日日keep住打嚟，搞到我家人直頭掛起咗個電話，同埋共收到三封追數信」，又指「好彩屋苑嘅保安嚴密啲，暫時未有收數佬殺上嚟。」

其後僱主帶同印傭到經紀行商討，指印傭一度表明辭職，並不收取一個通知金，及後又指不會辭職，僱主認為印傭想領取一個月通知金，「問過勞工處嘅人，佢話呢個情況都未算係大錯，就算即炒都要補水，一係就一個月通知期，但我地又唔想，怕佢手腳唔乾淨。」僱主嘆女傭犯錯亦未能即時解僱，形容「躺著也中槍」。

有網民向逸名僱主教路，建議僱主約財務公司向印傭收數，「約個收數話今日要炒，叫佢樓下收」、「 如果炒姐姐去，入境處二樓遞交release letter 或者Fax去入境處，之後release letter fax去財仔公司 （一般解決都係用呢個方法）」、「其實好簡單，你直接約個財仔去外面傾，帶埋個工人去，財仔同工人自己搞掂，再唔係，俾多個月人工佢，當破財擋災」。