琦琦開工跌傷又被偷相機：寧願唔見錢

名模琦琦近日踩過界為品牌設計腕錶及拍攝宣傳照，原來琦琦在拍攝當日負傷上陣，早前運動時拉傷了腰的她，拍攝時又不小心摔了一跤，令腰痛情況加劇，她堅持完成拍攝工作，態度專業，「我之前做運動拉親條腰，之前都睇咗跌打。嗰日跣親都有即刻叫助手幫我買啲膏藥頂住，影完相之後先搵醫生睇。」

琦琦表示當天助手替她拍了很多美照作紀錄，可是第二天相機竟然被盜，相片全部遺失，令她大嘆可惜。她失落地謂：「相機裏面有工作相又有私人相，主要係紀錄低自己做嘢。不過其實都好擔心，因為裏面有好多同朋友影嘅相，已經報咗警。我情願唔見錢，都唔想唔見相機，裏面啲相有錢都買唔返。」

琦琦透露老公任達華現正忙於拍電視劇，故二人亦沒有很多見面機會。問到華哥可會出席下月的新錶發佈會？琦琦稱：「梗係會啦！呢個係我夢想嚟，佢已經同劇組請定假，一齊見證呢個重要時刻。」