【時光飛逝】不再錫大女咀咀 林盛斌：你大個女啦！

藝人林盛斌(Bob)育有三女一子，一家六口生活相當幸福美滿，阿Bob更經常將一家的生活趣事放上社交網與網友分享添！阿Bob大女霏兒昨日10歲生日，作為廿四孝爸爸的阿Bob當然陪囡囡一起慶祝啦。阿Bob在社交網上載咗一張同大女錫錫的相片，一向攪笑的阿Bob今次就非常感性，並分享了他與囡囡的一段對話。

阿Bob同囡囡講：「霏霏，過埋今日，爸爸唔再錫你咀咀嘞！」霏霏不明白，所以問：「點解呀？」阿Bob就解釋話：「你十歲嘞，大個女啦！」霏霏明白後，就同阿Bob講：「咁錫埋最後呢啖啦！」阿Bob話：「時間，真係過得好快。」言語間似乎非常感慨。網友留言話他們兩父女好溫馨，更大讚阿Bob係一個好好嘅爸爸添！