歐鎧淳26歲生日 胡子彤愛的宣言冧女友

「女飛魚」歐鎧淳(Stephanie)為咗備戰亞運，所以暫停娛樂圈工作，積極練習。早前有傳她快將與男友胡子彤拉埋天窗，不過她就即時否認，更話二人都在搏殺期，暫時沒有打算結婚。雖然他們好事近只是傳言，但他們感情一直好穩定，相信打風都打唔甩啦！近日歐鎧淳剛度過26歲生日，胡子彤就在社交網甫咗一張跟Stephanie及歐媽媽等一齊影的慶生相。胡子彤大做V字手勢，而Stephanie就開心到伸脷，似乎胡子彤已經成功融入歐家！胡子彤留言話：「生日快樂，我知道自己一直都不算合格，我一定會繼續盡力去做好，要繼續開心笑喔~」真係非常Sweet！