馬時亨出席中學生微電影比賽頒獎禮 分享創意構思

港鐵全力支持嘅全港中學生數碼傳訊創作比賽，今年以「港鐵點止鐵路咁簡單」為主題拍攝微電影，新界鄉議局元朗區中學隊伍以一段5分鐘名為《白日夢》短片，勇奪冠軍。主席馬時亨今日出席比賽頒獎禮時，與學生分享拍微電影嘅點滴，仲有大讚同學仔拍片都有很高質素。

馬時亨表示，當睇完五對最後入圍嘅作品同構思簡介時，自己亦係到諗，如果自己拍片嘅時候會拍啲乜嘢。佢話首先第一個諗到嘅就係港鐵優先座，例如可以拍溫情片，兩個後生仔讓位畀老人家。佢仲話，好多溫情嘅事往往都係發生係車廂入面。

馬時亨又指，第二個諗到嘅就係自己讀書時期仲未有港鐵可以去到香港大學，由香港大學去油麻地兼職做教師，動輒要兩個鐘，但係而家有港鐵，同一個地點20分鐘就到，可以慳返啲好多時間，可以做乜嘢啦。第三個故事可以以放工時間好迫作題材，你個背囊撞到我，但係我一睇嘅時候就發現原來背囊嘅主人好有吸引力，跟住就會有好多故仔發生，好多情緣由此而生。