寶馬公路上極速攝位爬頭場面驚險 網民嘲「東望洋上身」

馬路炸彈無處不在！有網民昨日在社交網站上傳一段車cam片，可見一輛掛有中港車牌的寶馬私家車無視安全問題，在公路快線上於兩車之間的車罅穿過爬頭，場面驚險。不少網民怒轟寶馬行為累人累己，亦有人嘲諷「東望洋（賽車）上身」。

根據影片可見，事發在昨日早上6時許，車主當時正沿公路中線行駛，而慢線及快線分別有一輛巴士及私家車。正當車主踩油加速之際，一輛掛有中港車牌的寶馬私家車突然出現在快線與中線間，並從兩輛車之間的車罅穿過，由於兩輛車的距離極短，稍有不慎便會釀成車禍。

不少網民留言怒斥寶馬車主行為離譜，「咁揸車都得？黐線㗎」、「點忍呀」、「技術好唔係係到表演，萬一害死人就唔好啦」、「呢啲人自以为車神，佢部車永遠是最快，如果唔讓佢，佢祖宗十八代都玩完」，不過亦有網民讚嘆寶馬車主技術了得，「靚cut，清爽無水花」、「客觀咁睇 佢手車有料」，亦有網民嘲諷稱「東望洋上身」。