好有愛！泳兒孖男友暫養3小貓 屋企變動物園

貓貓咁得意，好多人都自願做貓奴成為剷屎官，不過要做到「暫養家庭」真係唔容易，因為有感情之後又隨時要離開。不過泳兒（Vincy）同拍拖經已超過6年嘅髮型師男友Ziv Yeung，就好有善心，願意成為貓咪嘅爸爸媽媽。
泳兒前年接受電台訪問時，表示已認定男友Ziv為結婚對象，去年就被傳出秘婚，其實前年5月，原本獨自住在北角半山的泳兒，因被業主迫遷，便索性搬去跑馬地與男友同居，兩人依然好甜蜜，關係更儼如老夫老妻。原本二人經已養咗兩隻狗仔，最近更公開暫養三隻小貓，真係充滿愛！

泳兒公開「一家人」照片，三隻貓仔都係黃色，男友仲笑得好冧，泳兒留言：「最近我哋決定幫手暫養左三隻小貓😸，依家屋企成個動物園咁🤣😸😸😸🐶🐶
哩三隻貓仔係俾人係垃圾站遺棄左😭，最後俾SPCA Rescue Van 救起的。原本諗住暫養一隻ge，後來聽說三隻有伴佢哋會開心啲，所以一次過拎晒佢哋返屋企🙈。我都係第一次養貓，大家有咩心得可以分享下😘」泳兒仲好抵死咁hastag讚男友「#你睇吓佢成個慈父樣咁」，仲呼籲「#幫到就幫#你也可以#請不要遺棄動物」。
網友紛紛留言讚好，有人就說「三隻一起佢地安全感比較大❤️其實貓咪都好易照顧，好嗲架😍」，亦有人提醒「養左就停唔到架啦。最緊要屋企有窗網因爲好易會走貓」、「你哋兩個坐到成個老爺奶奶咁款 好有愛好慈祥😂」。