好有爱！泳儿孖男友暂养3小猫 屋企变动物园

猫猫咁得意，好多人都自愿做猫奴成为铲屎官，不过要做到「暂养家庭」真系唔容易，因为有感情之后又随时要离开。不过泳儿（Vincy）同拍拖经已超过6年嘅发型师男友Ziv Yeung，就好有善心，愿意成为猫咪嘅爸爸妈妈。
泳儿前年接受电台访问时，表示已认定男友Ziv为结婚对象，去年就被传出秘婚，其实前年5月，原本独自住在北角半山的泳儿，因被业主迫迁，便索性搬去跑马地与男友同居，两人依然好甜蜜，关系更俨如老夫老妻。原本二人经已养咗两只狗仔，最近更公开暂养三只小猫，真系充满爱！

泳儿公开「一家人」照片，三只猫仔都系黄色，男友仲笑得好冧，泳儿留言：「最近我哋决定帮手暂养左三只小猫😸，依家屋企成个动物园咁🤣😸😸😸🐶🐶
哩三只猫仔系俾人系垃圾站遗弃左😭，最后俾SPCA Rescue Van 救起的。原本谂住暂养一只ge，后来听说三只有伴佢哋会开心啲，所以一次过拎晒佢哋返屋企🙈。我都系第一次养猫，大家有咩心得可以分享下😘」泳儿仲好抵死咁hastag赞男友「#你睇吓佢成个慈父样咁」，仲呼吁「#帮到就帮#你也可以#请不要遗弃动物」。
网友纷纷留言赞好，有人就说「三只一起佢地安全感比较大❤️其实猫咪都好易照顾，好嗲架😍」，亦有人提醒「养左就停唔到架啦。最紧要屋企有窗网因爲好易会走猫」、「你哋两个坐到成个老爷奶奶咁款 好有爱好慈祥😂」。