【激到飛起】工人掛住玩手機 葉翠翠囝囝撞傷面

藝人葉翠翠近日家中發生了一件小意外，她囝囝周津羲(小王子)撞傷了左邊面，留下一條紅色痕，令翠翠非常心痛！

話說翠翠近日做直播時，突然聽到「碰」一聲，然後聽到小王子大喊。她立即走去看囝囝，發現他左邊面紅晒。工人姐姐話小王子因爬得好快而跌倒，不過翠翠翻睇家中的視像片段，發現當時是因為工人姐姐掛住睇手機，無理會小王子周圍爬而出事，激到翠翠飛起！她好認真咁同工人姐姐講唔可以再睇手機，唔可以讓同樣事件再發生，而工人姐姐知道翠翠發現她講大話後都好驚。

翠翠事後好慨嘆咁話：「平時在我面前，工人姐姐同小王子唱晒歌仔，成日話佢好乖，話以前顧(僱)主啲小朋友成日喊，而家好中意小王子，對小王子好好，原來顧(僱)主一唔睇住都係一樣。」