好味又健康！葉翠翠輕鬆炮製營養晚餐

前港姐冠軍葉翠翠去年為老公周曉東誕下「小王子」津羲(Jake)後，早前宣佈再度懷孕，Jake好快會做哥哥啦。已淡出幕前並專心照顧家庭的翠翠，在烹飪方面好有天份，近日更在社交網甫出她親手煮的晚餐相，並留言話：「是日晚餐，大公主一隻，小王子一個。媽mi和爸b晚餐，冇油冇豉油蒸魚骨，蒜蓉粉絲蒸象拔蚌，煎豆腐，菠菜，燉湯！小王子晚餐，豐富魚肉，豆腐，菠菜，粥仔。」一個人就煮出四餸一湯，仲要好味又健康，真係唔簡單！另一張相就見到Jake在玩玩具，睇見佢肥肥白白，可見翠翠真係持家有道！