【多圖有片】大埔爆水管噴出10層樓「噴泉」夜鷺BB遭水柱擊中墮地傷

大埔廣福道爆水管！大量黃泥水由地底高壓噴出，足足有10層樓高。由於現場靠近鷺鳥林位置旁，有現場人士拍攝到照片顯示，有雀鳥懷疑受驚飛走。現場亦靠近民居及商舖，附近亦有老人院及投注站，距離不足十多米，大牆被噴濕，居民報警求助未知有否造成損失。
事發於下午3時左右，在廣福道進入大埔墟方向，懷疑有地下水管爆裂，路面的路牌及指示牌懷疑被衝力波及，撞至歪倒，大量積水流出馬路。大埔居民在網上留言指「大埔終於都有音樂噴泉」、「水為財，隔離有馬會」、「馬會放水，快去買六合彩」、「相中啲雀好似飛走緊」、「果度d鷺巢有無事…？」
消息指，現場有一大樹遭水柱噴中，一隻夜鷺BB由樹上墮下，受傷倒臥地上。嘉道理農場職員事後到場將夜鷺BB帶走。
影相來源：Manho Leung

建立時間 15:12
更新時間 18:06