【惡搞海報】五大女歌手夾埋開騷？ 何韻詩：鑽石組合輪迴演唱！

何超儀、林憶蓮、盧凱彤、何韻詩、盧巧音，五位都是香港獨當一面的女歌手。如果她們五人一齊開演唱會，大家願意俾幾多錢買飛入場呢？最近何韻詩在社交網甫了一張疑似演唱會宣傳海報，何超儀、林憶蓮、盧凱彤、何韻詩及盧巧音都在海報中亮相。海報以紅色為背景色，五人都穿上黑色衫，色系非常統一。海報上大玩食字，寫著：「搖滾大嬸判 HKGBAND」，小標題更寫著：「用實力與熱情，打救BAND界！」由於製作認真，一眼望落去真係呃到人，以為她們一齊開演唱會！阿詩更好有心咁甫咗一個售票網網址，做戲做全套！

阿詩抵死咁留言話：「得喇得喇，係啊係啊，係真㗎，鑽石組合輪迴演唱！大家快啲霸頭位搶飛啦！$50000VIP飛包握手包影相包生仔，好抵㗎！」她又叫朋友唔好再send張海報俾佢，因為她已收咗好多次咁話！雖然係惡搞，但網友都大讚這張海報好有創意，有網友話假得嚟都會想睇呢個組合開演唱會，更有網友話「睇一次笑十次」添！

其實阿詩亦在社交網甫咗另一張「搖滾大俠奏」的惡搞海報，恭碩良、單立文、黃貫中、夏韶聲、鄧建明慘成被玩對象。阿詩留言話：「據說本身係呢個show，點知俾我地搶曬版位，相信佢地比憶蓮更無奈s。」