吳卓羲hard sell《飛虎》 楊怡易扭傷怕做打女
2018-04-18 22:05吳卓羲、楊怡、陸駿光及新人Jeffrey Lou出席《ANB亞洲視訊廣播電視開播發佈會》時，對於有份演出的《飛虎之潛行極戰》，吳卓羲表示已睇十二集感覺好睇，加上電影導演執導好特別又有電影感。戲中演高級督察的他，談到有網民為更新警察履曆，他說：「無留意呀！本身想問樂小姐拎全套劇睇，不過都要上返主要平台睇，點擊率都幾滿意，前幾日睇有七億幾。（可會分紅？）無，下次我識要求啦！（會否再拍？）有提及過，視乎檔期同劇本，現在準備籌備拍愛情片。」楊怡表示睇過該劇的宣傳片，亦大讚電影感好重，本身喜歡睇動作戲，更笑謂自己好男仔頭，但不可以做打女，因為自己好易扭傷。
陸駿光透露會跟Jeffrey Lou合作演出動作片《狂拳》，劇情講述地下拳擊，但自己毋需要打同除衫，預計六月開拍。Jeffrey Lou表示想從陸駿光身上學習，由於戲中演拳手，亦做健身運動同控制飲食，雖然導演沒有要求操得好大隻，但自己也會控制得線條靚。問到可會操身形似《激戰》的張家輝？他說：「不排除，但他花好多時間同功夫，希望可以做到差不多效果。」
關鍵字
最新回應