【金像奬紅地氈】家英哥嗲白只求錫錫 廖子妤西裝骨骨型爆

今晚金像獎紅地氈上星光熠熠，一眾明星藝人悉心打扮，先以服裝搶鏡。羅家英、白只齊齊當頒獎嘉賓，穿型格西服示人。家英哥更可愛地繑住白只行紅地氈，又挨落白只膊頭合照，兼且作狀咀嘴，「老少配」玩味十足。

女演員廖子妤著藍色西裝上陣，型到爆，更拖實胡子彤出場；胡子彤西裝骨骨好合襯，但有否向女友歐鎧淳報定案呀？廖子妤就話往年著靚靚晚裝，今次做頒獎嘉賓想搞搞新意思，更自覺「靚仔」。