【毒狗恐慌】黑柴主人冒險帶愛犬散步：唔畀佢聞地下！

粉嶺一帶接連有懷疑毒狗案發生，至今經已11隻狗死亡，引來市民怒火，也讓狗主們十分擔心。
在區內的狗主盧小姐，帶同自己3歲的黑柴犬「拉麵」到花園散步，她聲言很擔心，更說其實「老公唔畀我帶出嚟」，但也希望帶出來走一走，但必定「唔畀佢聞地下！拖實！」她表示近日都有留意用梳打粒解毒的方法，如有需要可以應用。以往自己會一日帶狗散步兩次，現時只敢一日一次，時間亦由以往一個小時減至二十分鐘。
街坊Tracy則表示，平日晚上6時左右有很多狗主帶同小狗散步，自己十分喜歡小動物，雖然自己沒有養狗，但也覺得很殘忍，希望可以加強巡邏，成功緝兇。謝同學亦指有不少狗主會帶狗散步，聞見有10多隻狗死亡，覺得狗狗很無辜。