港媽沙灘爭掘復活蛋 沙塵滾滾似戰場

復活節長假期剛剛結束，不少家長都趁長假期與子女進行親子活動。有家長帶子女參加掘復活蛋活動，但結果一隻都未能掘到，原因是有家長「連bb都唔理搏命掘」，更拍下掘蛋激烈情況，形容「超級地塵土飛揚」，網民都笑指「沙塵滾滾，似伊拉克」。

有網民在Facebook群組「幼兒用品二手交易站」上載圖片，指日前到愉景灣參加掘復活蛋，但結果一隻都掘不到，原來是「啲阿媽痴線㗎一入到場連個bb都唔理博命掘！！ 超級地塵土飛揚， 仲有啲阿媽恐怖到叫個菲傭睇住個細路自己兩公婆走入去掘。

她續指，有大媽更搶其女兒的復活蛋，「最恐怖係原本我個女真係掘到一隻㗎，點知畀個大媽搶咗，佢即刻攬住我喊」她稱，明白200元報名費略貴，「但係都唔使咁呀，你睇下我個女入到去掘時個樣幾淒涼！！ 我入到去搏命幫佢擋住啲大媽！！ 所以根本冇時間掘！ 真係冇陰功呀」她稱，最後有姨姨「睇唔過眼」，送三隻復活蛋給她們。

網民看過圖片後，紛紛留言指場面恐怖，「咁樣搶有幾好玩？？仲要話搶小朋友蛋？？受傷未必係身體」、「好誇張喎...直頭塵土飛揚....」、「做乜搞到好似恐怖襲擊咁㗎」、「我以為係戰地記者喺廢墟影嘅作品」。