港妈沙滩争掘复活蛋 沙尘滚滚似战场

复活节长假期刚刚结束，不少家长都趁长假期与子女进行亲子活动。有家长带子女参加掘复活蛋活动，但结果一只都未能掘到，原因是有家长「连bb都唔理搏命掘」，更拍下掘蛋激烈情况，形容「超级地尘土飞扬」，网民都笑指「沙尘滚滚，似伊拉克」。

有网民在Facebook群组「幼儿用品二手交易站」上载图片，指日前到愉景湾参加掘复活蛋，但结果一只都掘不到，原来是「啲阿妈痴线㗎一入到场连个bb都唔理博命掘！！ 超级地尘土飞扬， 仲有啲阿妈恐怖到叫个菲佣睇住个细路自己两公婆走入去掘。

她续指，有大妈更抢其女儿的复活蛋，「最恐怖系原本我个女真系掘到一只㗎，点知畀个大妈抢咗，佢即刻揽住我喊」她称，明白200元报名费略贵，「但系都唔使咁呀，你睇下我个女入到去掘时个样几凄凉！！ 我入到去搏命帮佢挡住啲大妈！！ 所以根本冇时间掘！ 真系冇阴功呀」她称，最后有姨姨「睇唔过眼」，送三只复活蛋给她们。

网民看过图片后，纷纷留言指场面恐怖，「咁样抢有几好玩？？仲要话抢小朋友蛋？？受伤未必系身体」、「好夸张喎...直头尘土飞扬....」、「做乜搞到好似恐怖袭击咁㗎」、「我以为系战地记者喺废墟影嘅作品」。